Notice: Function _load_textdomain_just_in_time was called incorrectly. Translation loading for the acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/asiaplus/wp-includes/functions.php on line 6121

Notice: Function _load_textdomain_just_in_time was called incorrectly. Translation loading for the td-cloud-library domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/asiaplus/wp-includes/functions.php on line 6121
Дастоварди 2 ҳунарманди ҷавони тоҷик дар озмунҳои телевизионии Русия - Азия-Плюс | Хабарҳои Тоҷикистон ва ҷаҳон

Дастоварди 2 ҳунарманди ҷавони тоҷик дар озмунҳои телевизионии Русия

Akhbor.com

Ду ҳунарманди ҷавони тоҷик дар поёни ин ҳафта бо ҳунарнамоии худ дар озмунҳои телевизионии Русия ҳамаро ба ҳайрат оварданд.

Бино ба иттилои сомонаи расонаи мустақили "Ахбор", Рустамов дар ин ҳафта дар озмуни "Песни” дар шабакаи телевизионии ТНТ бо таронаи "All of me”-и Ҷон Стивенс ва Тоби Гад мавҷи кафкӯбиҳоро ба бор овард.

МЕДИА (IFRAME)

Ҳунарнамоии ин хонандаи тоҷик дар озмуни ТНТ фарқ мекунад. Ин шабакаи телевизионӣ бо саҳнаҳои пурмасхарааш дар бораи тоҷикону муҳоҷирони тоҷик ном бароварда буд, ки як намунаи аз ҳама ангуштнамояш ҳамон барномаи "Наша Раша” дар бораи Равшану Ҷамшуд буд.

Ва инак, бори аввал дар шабакаи ТНТ ба ҷои масхараи тоҷикон бо шарофати ҳунарнамоии хеле олии Даниел Рустамов ба ҳунари мардуми тоҷик каф кӯфтанд, ки ин ҳам хеле рамзӣ аст.

"Невероятная мощь! Красавица Мехрона из Таджикистана впечатлила судей своим супервокалом” ("Қудрати боварнокарданӣ! Меҳронаи зебосанам аз Тоҷикистон ҳакамонро бо овози фавқулоддааш тасхир кард”) – чунин ном кардааст шабакаи телевизионии НТВ гузориши худ дар бораи ҳунарнамоии овозхони ҷавони тоҷик Меҳрона Ғайбуллоеваро дар озмуни "Ты – супер!”.

МЕДИА (YOUTUBE)

Баъди онки ҳакамон ӯро ба даври баъдӣ роҳ доданд, Меҳрона домани гиряро сар дод, вале гуфт, ин ҳама ашки шодӣ аст, ки беихтиёр ҷорӣ шуданд. Меҳрона Ғайбуллоева 17 сол дошта, тавассути хабаргузории "Спутник” ба озмуни "Ты – супер!” пешниҳод шудааст.