Эмомалӣ Раҳмон, раиси ҷумҳури Тоҷикистон ва Эмануэл Макрон, раиси ҷумҳури Фаронса дирӯз дар Париж ба хабарнигорон гуфтанд, ки дар робита ба вазъи амниятии Осиёи Миёна ва Афғонистон гуфтугӯ мекунанд.

Макрон ба хабарнигорон гуфт, ки Тоҷикистон бо Афғонистон як марзи муштараки тӯлонӣ дорад ва мо дар робита ба ин кишвар мавқеи муштарак дорем.

Раиси ҷумҳури Фаронса гуфтааст, ки бо раиси ҷумҳури Тоҷикистон дар мавриди кӯмаке, ки Фаронса метавонад ба ин кишвар барои беҳтаршавии вазъ дар Афғонистон бикунанд, сӯҳбат хоҳад кард.

Макрон афзуд: "Набояд бо гурӯҳҳои террористӣ созиш шавад ва набояд ба нақзи арзишҳое, ки мо аз онҳо дифоъ мекунем, ба вижа эҳтиром ба ҳуқуқи занон, гузашт карда шавад".

Тоҷикистон ва Фаронса аз кишварҳоеанд, ки мавқеашонро дар робита ба ҳукумати тозатаъсиси гурӯҳи терористии Толибон рӯшан баён кардаанд.

Ҳар он чи дар Афғонистон рух медиҳад, метавонед мустақиман дар сужаи мо –  "Афғонистон" бихонед.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.