spot_img
spot_imgspot_imgspot_imgspot_img

Сардори қисми ҳарбие, ки дар он сарбозонро латукӯб карданд, боздошт шуд

Подполковник Нузхат Лазуриев, сардори қисми ҳарбие, ки латукӯби сарбозон дар ин қисми ҳарбӣ расонаӣ шуд, ба ҳабс гирифта шуда, нисбаташ барои аз ҳадди ваколатҳои мансабӣ ва хизматӣ баромадан ё бефаъолиятии ҳокимият парвандаи ҷиноятӣ боз шудааст.

Дар ин бора Додситони кулли Тоҷикистон бо нашри як изҳороти нав, шоми имрӯз, 25-уми апрел хабар дод.

Изҳороти пешини ин ниҳод баъди зуҳри имрӯз аз сомона бардошта шуда, шоми имрӯз, 25-уми апрел изҳороти нав пахш гардид.

Дар изҳорот гуфта мешавад, ки “25 апрел бошад, нисбати сардори комендатураи якуми сарҳадии “Ворух”-и қисми ҳарбии 0215 ҚС КДАМ ҶТ, подполковник Лазуриев Нузхат Хиззатович бо дастрасии моддаи 391 қисми 3 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, номбурда низ ба ҳабс гирифта шуд”.

Ин банди қонун аз ҳашт то дувоздаҳ соли зиндонро пешбинӣ кардааст.

Ин ниҳод бори дигар аз боздошт ва ба ҳабс гирифтани гунаҳкорони ҳодиса хабар дода гуфтааст, ки “15 декабри соли 2022 хизматчиёни ҳарбии қисми ҳарбии 0215 Кӯшунҳои сарҳадии Кумитаи давлатии амнияти миллии Ҷумхурии Тоҷикистон сержант Қосимзода Ҷ.А. аз рӯи маслиҳати пешакӣ бо ҳамдаъватони худ – қаториҳо Азимов Ф.Б., Камолов А.Ш., Нозимов М.Б. ва Сайфуллоев Ҳ.Ҳ. қоидаҳои оинномавии муносибатҳои байниҳамдигарии хизматчиёни ҳарбиро дағалона вайрон намуда, бо мақсади нишон додани бартарии худ ҳамхизматонашон сержанти хурд Мисиров М.С., қаториҳо Чориев Б.Т., Каримзода З.Р., Амиров Н.Ф. ва Мусоев А.Т.-ро мавриди лату кӯб қарор доданд”.

ССЫЛКИ ПО ТЕМЕ
Шарҳи Прокуратураи генералӣ ба навори лату кӯби сарбозон: гунаҳкорон боздошт шуданд

Гуфта мешавад, ки рӯзи 24-уми апрели соли 2023 нисбати гунаҳгорони номбурда бо дастрасии моддаи 373 қисми 2 бандҳои "б,в" (вайрон кардани қоидаҳои оинномавии муносибатҳои байниҳамдигарии хизматчиёни ҳарбӣ дар ҳолати набудани тобеияти хизматӣ дар байни онҳо) парвандаи ҷиноятӣ оғоз карда шуда, онҳо ба ҳабс гирифта шуданд.

Дар ин моддаи барои риоя накардани муносибатҳо тибқи оиннома ҷазои маҳрумият аз озодӣ ба муҳлати аз 5 то 20 сол таҳдид мекунад.

Қобили зикр аст, ки пас аз нашри мавод дар шабакаҳо корбарони зиёд аз латукӯб ва бадрафторӣ дар сафи артиш ёдовар шуда, аз он бо шеваи тунд интиқод карданд ва аз мақомоти масъули кишвар дархост карданд, ки ҳодиса таҳқиқ гардида, гунаҳкорон муҷозот шаванд.

Ҳамчунин, аксари корбарони шабакаҳои иҷтимоӣ талаб намуданд, ки минбаъд пеши роҳи меҳтарсолорӣ ва бадрафторӣ дар артиш гирифта шавад ва барои такрор нашудани чунин ҳолатҳо тадбирҳои зарурӣ андешида шавад.

ССЫЛКИ ПО ТЕМЕ
Навори латукӯби сарбозон ва хашми корбарони шабакаҳои иҷтимоӣ. Мақомот то ҳол шарҳ надодаанд

Тибқи маълумоти гузориши ҳукумати Тоҷикистон, ки ба Кумитаи ҳуқуқи башари СММ фиристода шуд, аз соли 2019 то соли 2021 барои муносибатҳои берун аз оиннома, бадрафторӣ нисбати наваскарон ва аз ҳадди ваколатҳои худ баромадани афсарон дар артиши Тоҷикистон беш аз 100 нафар сарбоз ҳалок шудаанд.

Прокуратураи генералии Тоҷикистон дар гузориши чанде қабли худ хабар дод, ки тайи се соли ахир барои пинҳон кардани ҷиноятҳо дар қисмҳои низомӣ 639 нафар мансабдорон ба ҷавобгарии ҷиноятӣ ҷалб шудаанд.

Навори шиканҷаи сарбозон аз сӯйи ҳамхидматонашон дар ҳоле паҳн мегардад, ки дар Тоҷикистон даъвати баҳории ҷавонон ба хидмати ҳарбӣ идома дорад ва мақомот мегӯянд, вазъ дар артиш беҳтар шудаву теъдоди ихтиёриён бештар шудааст.

Дар TelegramFacebookInstagramOK ва ВК бо мо бимонед.

Тарҷумаҳо:

Маводҳои ҳамсон

spot_imgspot_img

Дар шабакаҳои иҷтимоӣ моро пайгирӣ кунед!

Новости компаний

Новости компаний

Навгонии ширкатҳо

Пулро аз Русия бе фоиз бо ёрии Dushanbe City интиқол диҳед

Интиқоли Шумо дар як лаҳза ва бе комиссия мегузарад.

Meta боз 10 ҳазор нафар кормандонашро ихтисор мекунад

Ин навбати дуюми ихтисори бузургмиқёс дар Meta тайи ним соли ахир мебошад.

“Душанбе Сити” ба интиқоли бефоизи маблағ ба Ӯзбекистон кумак мекунад

Замимаи DC NEXT интиқоли маблағро ба кишварҳои ҳамсоя боз ҳам осонтар мекунад.

MIT: чӣ гуна барномасозони тоҷик як низоми бузурге сохтанд

Низоми City Card то кадом андоза муваафақ шуд?
spot_imgspot_img

ХАБАРҲОИ ОХИРОН

Дастаи Саломат. Рекорди занони пахтачини Суғд

Саломат Холиқова зиёда аз 40 сол аст, ки пахта...

Ҳаҷми содироти маҳсулот аз Тоҷикистон ба таври назаррас кам шуд

Ҳаҷми муомилоти моли хориҷии Тоҷикистон дар зарфи 4 моҳи...

Шаҳрдории Душанбе маълумоти дар роҳи Варзоб сохта шудани боғи нави ҳайвонотро рад кард

Шаҳрдории Душанбе маълумоти дар роҳи самти ноҳияи Варзоб сохта...