Душанбе. 18-уми сентябр. ОИ «Азия-Плюс» – Имрӯз дар Донишгоҳи Славянии Русияву Тоҷикистон маркази русии Фонди «Ҷаҳони рус» кушода мешавад. Аз сафорати Русия дар Тоҷикистон ба ОИ «Азия-Плюс» хабар доданд, ки ин маркази дуввум буда, масоҳати он 230 метри мураббаъро ташкил медиҳад.
Дар маросими ифтитоҳи марказ ёвари президенти Русия ва намояндаи махсуси президенти Русия оид ба масъалаҳои ҳамкории гуманитарӣ бо кишварҳои узви Иттиҳоди Давлатҳои Мустақил (ИДМ) Д.Поплийева, сарвари иҷроияи Фонди «Ҷаҳони рус» В.Никонов, сафири Русия дар Тоҷикистон Р.Абдулатипов, ректори Донишгоҳи славянии Русияву Тоҷикистон М.Имомов ва ректори Донишгоҳи давоатии Маскав В.Садовничий иштрок хоҳанд кард.
Ҳамчунин барои иштирок дар маросими ифтитоҳи марказ аъзои ҳукумати Тоҷикистон, шахсони расмӣ ва намояндагони зиёиёни илмиву эҷодкор низ даъват карда шудаанд.
Феълан Марказҳои русӣ дар шаҳрҳои Ереван, Душанбе, Кант, Ош, Остона, Уст-Каменогорск амал намуда, ҷиҳати ифтитоҳи чунин марказҳо дар кишварҳои Озарбойҷон, Белорус, Белгия, Италия, Молдавия, Латвия, Литва, Ӯзбекистон, Гватемала, Маҷористон, Индонезия ва давлатҳои дигар тавофуқ ҳосил шудааст
.
