Ба муносибати 90-солагии эълони шаҳри Душанбе ҳамчун пойтахти Тоҷикистон мақомоти шаҳрдории пойтахт миёни васоити ахбори умумии чопӣ ва электронӣ таҳти унвони «7 симои Душанбе» озмуни маърифатӣ баргузор менамояд.
Бино ба иттилои хадамоти матбуоти шаҳрдории пойтахт дар ҷараёни озмун 7 қиёфа, симои маъмули шаҳри Душанбе (нуқтаи ё субъекти географӣ, бино ё иншоот, ёдгории таърихӣ, субъекти фарҳангию фароғатӣ ва ғайра) муайян карда мешавад.
Ба иттилои манбаъ, натиҷаҳои озмуни «7 симои Душанбе» на дертар аз 17-уми апрели соли 2014 эълон хоҳанд шуд.
