Раиси ҷумҳурии Ӯзбекистон аз пешгирии истиқрори пойгоҳи низомиёни хориҷӣ дар ин кишвар таъкид кардааст.
Бино ба иттилои торнамои радиои эронии Садои Хуросон бо истинод ба гузориши торнамои ахбори бурунмарзии Эрон, Ислом Каримов дар ҷаласаи муштараки сенат ва порлумони Узбакистон, бо ишора ба авзои байналмилалӣ гуфтааст: «Ин кишвар натанҳо узви ҳеч паймони низомӣ нахоҳад шуд, балки иҷоза нахоҳад дод дар қаламраваш пойгоҳи неруҳои низомии хориҷӣ таъсис шавад».
Гуфта мешавад, раиси ҷумҳурии Ӯзбекистон ҳамчунин таъкид кардааст, ки низомиёни ин кишвар дар амалиёт ва маъмуриятҳои хориҷ аз марзҳои ин кишвар ширкат нахоҳанд кард.
Зикр мегардад, ки Каримов бо ишора ба нигарониҳо дар бораи таҳдидоти террористӣ, ифротигароӣ ва танишҳои геополитикӣ, афзоиши огоҳӣ ва ҳушёрии мардумро дар баробари ин масоил хостор шудааст.
