Дар Агентии назорати давлатии молиявӣ ва мубориза бо коррупсияи Тоҷикистон ба гумони даст доштан дар порагирӣ нисбати прокурори ҳарбии ноҳияи Фирдавсии пойтахт Мамашариф Розиқов парвандаи ҷиноӣ боз шуд.
Бино ба иттилои маркази матбуоти Агентӣ, М.Розиқов барои тайёр кардани билети ҳарбӣ ба номи шаҳрванди пойтахт А.Нуров бо миёнаравии шаҳрванд Усмоналӣ Файзуллоев 1 ҳазору 600 доллари ИМА ва 2 ҳазору 5000 сомонӣ пора гирифта, онро бо миёнарав байни худ тақсим намудаанд.
Гуфта мешавад, нисбати У.Файзуллоев ва комиссари ҳарбӣ бо моддаи 319 қисми 2 КҶ Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.
