Имрӯз дар Душанбе ҷаласаи охирини иҷлосияи шашуми Маҷлиси намояндагони Маҷлиси Олии Тоҷикистон даъвати чорум баргузор мешавад.
Дар ҷаласаи охирини даъвати кунунии палатаи поёнии парлумони кишвар раиси Маҷлиси намояндагони Маҷлиси Олии ҶТ Шукурҷон Зуҳуров назди вакилон дар бораи натиҷаҳои фаъолияти ин ҳайати парлумон ҳисобот медиҳад.
Қобили зикр аст, ки ҳайати парлумони мазкур санаи 28 феврали соли 2010 тариқи раъйпурсии умумихалқӣ интихоб шуд. Ҳайати он аз 45 нафар намояндагони Ҳизби халқии демократии Тоҷикистон, 10 нафар вакилони ғайриҳизбӣ, 2-нафарӣ вакилон аз Ҳизби коммунист, Ҳизби аграрӣ, Ҳизби ислоҳоти иқтисодӣ ва Ҳизби наҳзати исломии Тоҷикистон иборат буд.
Давоми панҷ соли фаъолият ин ҳайати палатаи поёнии парлумон аз ҳамаи лоиҳаҳои қонунҳои аз ҷониби ҳукумат ва президенти Тоҷикистон пешниҳодшуда дастгирӣ кард.
