Дар давраи омодагӣ ва баргузор шудани маъракаи интихоботи ба палатаи поёнии парлумони кишвар ва маҷлисҳои маҳаллӣ, ки ба санаи 1 март таъин шудаанд, воҳидҳои Вазорати корҳои дохилии ҷумҳурӣ ба реҷаи пурзӯри адои хизмат гузаронида шуданд.
Аз маркази матбуоти ВКД Тоҷикистон ба «Азия-Плюс» дар ин робита иттилоъ доданд, ки дар ин давра тамоми қитъаҳои интихоботӣ, ҷойҳои раъйдиҳӣ ва макони гирдиҳамоии издиҳоми мардум зери назорати пурзӯр гирифта мешаванд.
«Баъди эълони натиҷаҳои овоздиҳӣ воҳидҳои Вазорати корҳои дохилӣ ба ҳолати муқаррарии адои хизмат бармегарданд», – гуфт манбаъ.
