Ба сомонаи «Азия-Плюс» бори дигар ҳамлаи пуриқтидори DDоS сурат гирифт. Тайи 10 рӯзи ахир ин аллакай кӯшиши сеюми халал ворид сохтан ба фаъолияти торнамо аст. Ҳамлаи аввал рӯзи 3 апрел ва он қариб аз ҷониби тамоми ширкатҳои фароҳамсози интернети ватанӣ амалӣ шуда буд. Барои барқарор кардани фаъолияти устувори сомонаи 3 рӯз вақт лозим шуд.
Баъди ҳамлаи нахусти пуриқтидор мутахассисон низоми ҳифз аз сарбории ғайриқонунии хеле барзиёди ба таври сунъӣ сохташударо таҳия намуданд, ки ин ба барқарор намудани кори сомона имкон дод, аммо 14 апрел ҳамлаҳо дубора барқарор шуданд ва акнун бадхоҳон тарзи корашонро дигар карданд. Бо ин сабаб муддати чанд вақт торнамо барои корбарони ҳам дохиливу ҳам беруна метавонад дастнорас бошад.
Сабаби чунин ҳамлаҳо ва аз ҷониби кӣ сурат гирифтани онҳо то ҳанӯз номаълум аст. Аз эҳтимол дур нест, ки як гурӯҳи хакерҳо пайдо шудаанд, ки «устуворӣ»-и сомонаро санҷиданианд.
Ҳамлаҳои DDoS тариқи компютерҳои хеле бисёри сироятгирифта (зараженный) сурат гирифта, тавассути он ба суроғаи муайян дар интернет дархостҳо ирсол мегарданд, ки ба сарборӣ (перегрузка) барзиёд ва баъзан ба дастнорасии торнамо боис мегардад.
