Соли 2022 дар ҳудуди вилояти Суғд 767 ҳодисаи фавқулода ба қайд гирифта шуда, маблағи умумии зарари расонидашуда аз ин ҳисоб 7 миллиону 644 ҳазору 371 сомониро ташкил додааст.
Кумитаи ҳолатҳои фавқулодаи Тоҷикистон бо нашри иттилоъ аз ҷаласаи ҷамъбастии фаъолияти Раёсати КҲФ дар вилояти Суғд гуфтааст, ки ҳодисаҳои фавқулодаи табиӣ асосан дар шаҳру ноҳияҳои Панҷакент, Исфара, Ашт, Б.Ғафуров, Деваштич, Айнӣ ва Куҳистони Мастчоҳ рух додааст.
Гуфта мешавад, ки дар ин давра 13 ҳодисаҳои фавқулоддаи хусусияти табиидошта ба қайд гирифта шудааст.
Манбаъ менависад, ки сардорони шуъбаҳои Исфара ва Бобоҷон Ғафуров доир ба барқарорсозии манзилҳои истиқоматии дар натиҷаи муноқишаҳои байнисарҳадӣ зарардида, сари вақт расонидани кумакҳои ҳукумати кишвар ба оилаҳои зарардида маълумоти муфассал пешниҳод кардааст.
“Сардори Раёсат полковник Додиён Баҳром Одина ба фаъолияти пурсамар дар ин самт дар семоҳаи аввали соли 2023 доир ба роҳбарӣ ва иҷро гирифтани Паёми Президенти Ҷумҳурии Тоҷикистон муҳтарам Эмомалӣ Раҳмон, Стратегияи миллии Ҷумҳурии Тоҷикистон оид ба паст кардани хавфи офатҳои табии барои солҳои 2019-2030, гузаронидани корҳои фаҳмондадиҳӣ, дар ҳолати омодагии доимӣ нигоҳ доштани техникаҳои муҳандисӣ, вусъат бахшидани корҳои пешгирикунанда ва соҳилмустаҳкамкунӣ дар шаҳру ноҳияҳо,таъмири иншоотҳои муҳофизатӣ, захира намудани маводи хӯрока, сузишворӣ ва доруворӣ, дар муҳлатҳои муқарраргардида ба анҷом расонидани сохтмони манзилҳои истиқоматии дар натиҷаи муноқишаҳои наздисарҳадӣ зарардида ва пешгирии қонунвайронкунӣ дар байни ҳайати шахсӣ таъкид намуд”, – хабар медиҳад ин ниҳод.
Ёдовар мешавем, соли 2022 дар кишвар чанд офати табиӣ ба амал омад, ки боиси зарар ба ҷону моли аҳолӣ гардид.
