Сокинони Қазоқистон рӯзи 14 май якбора дар чаҳор шаҳри он кишвар – Нурсултон, Алмато, Оқтеппа ва Костанай бо талаби поин бурдани синни нафақа барои занон тазоҳурот карданд.
Тазоҳуротҳоро намояндагони созмони "Ҳаракати бонувони Қазоқистон барои поин бурдани синни нафақаи занон" дар мувофиқа бо мақомот баргузор карддас.
Тазоҳургарон талаб карданд, ки синни баромадан ба нафақа барои занон то ба 58-солагӣ муайян карда шавад.
Қарор аст, то соли 2027 синни ба нафақа баромадани занону мардон ба 63-солагӣ баробар карда шавад. Ҳоло ҳар соле синни ба нафақа баромадани занонро 6 моҳ тамдид мекунанд. Занон талаб доранд, ки онҳоро дар 58-солагӣ ба нафақа рухсат диҳанд.
Ба иттилои расмӣ, дар Қазоқистон бештар аз 2 миллион нафақахӯр мавҷуд аст.
