Пас аз ним соли ҳунарнамоӣ дар дастаи «Слобода»-и Сербия нимҳимоятгари дастаи мунтахаби Тоҷикистон Нуриддин Давронов боз ба дастаи «Истиқлол»-и Душанбе баргашт.
Бино ба иттилои торнамои расмии дастаи футболи «Истиқлол», нимаи дуюми мавсим Нуриддин Давронов таҳти рақами «88» дар ин даста бозӣ хоҳад кард.
Ёдрас мекунем, ки Давронов муддати сеюним сол дар дастаи «Истиқлол» ҳунарнамоӣ карда, бо ин даста ба якчанд дастовардҳо ноил гардидааст. Федератсияи футболи Тоҷикистон Нуриддин Давроновро нимҳимоятгари беҳтарини чемпионати соли гузаштаи ҷумҳурӣ эътироф карда буд.
