Шаҳрдори Душанбе, Рустами Эмомалӣ ваъда кардааст, ки агар ширкаткунандагони Бозиҳои олмипии Токио аз Тоҷикистон медал ба даст биоваранд, ба онҳо дар Душанбе хона тақдим мекунад. Бозиҳои олимпии Токио имрӯз дар Ҷопон расман ифтитоҳ мешаванд.
Раҳбарии Кумитаи олмипии Тоҷикистон дар замони гусели тими олимпии Тоҷикистон аз номи Рустами Эмомалӣ гуфтаанд, ки агар касе медали олимпӣ ба даст биорад, ба ӯ хона тақдим карда мешавад. Дар ин бора хабаргузории расмии "Ховар" хабар медиҳад.
Аз ҷумла, гуфта мешавад, ки шаҳрдори Душанбе барои барои медали тилло хонаи чорҳуҷрагӣ, барои медали нуқра хонаи сеҳуҷрагӣ ва барои медали биринҷӣ хонаи дуҳуҷрагӣ ваъда кардааст.
ИЗОБРАЖЕНИЕ
Ба ҷуз ин, бар асоси низомномаи Ҷоизаи президенти Тоҷикистон ба ғолибон ва ҷоизадорони мусобиқаҳои байналмилалии варзишӣ аз Фонди Пешвои миллат ба варзишгароне, ки дар Бозиҳои олимпӣ ҷойҳои аввал, дуюм ва сеюмро мегиранд, мутаносибан 300 000, 250 000 ва 200 000 сомонӣ дода мешавад.
Дар Бозиҳои ХХХII тобистонаи олимпӣ, ки аз 23-юми июл то 8-уми август дар Токио баргузор мешавад, Тоҷикистонро даҳ варзишгар – Сомон Маҳмадбеков (дар вазни -73 кг), Акмал Муродов (-81 кг), Комроншоҳи Устопириён (-90 кг), Темур Раҳимов (+100 кг) – ҳарчор дар риштаи ҷудо, Баҳодур Усмонов (-63 кг), Шаббос Неъматуллоев (-81 кг), Сиёвуш Зуҳуров (+91 кг) – ҳарсе оид ба бокс, Илдар Аҳмадиев оид ба варзиши сабук, Анастасия Тюрина ва Олимҷон Ишонов оид ба шиноварӣ – намояндагӣ мекунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
