Ассотсиатсияи журналистони риштаи варзиши Тоҷикистон (АЖРВТ) даҳ варзишгари беҳтарини солро муайян кард.
Ба иттилои раиси АЖРВТ Нарзулло Латипов, бар асоси натиҷагирии назархоҳии хабарнигорони варзишӣ ба даҳгонаи беҳтаринҳои сол намояндагони панҷ намуд – ҷудо ва бокс (сенафарӣ), самбо (2 кас), гуштини озод ва таэквондо ВТФ (якнафарӣ) – дохил шуданд.
Рӯйхати даҳгонаи беҳтарин варзишгарони сол:
Темур РАҲИМОВ (ҷудо) – барандаи медали биринҷии чемпионати Осиё дар вазни +100 кг дар Бишкеки Қирғизистон, медали нуқраи мусобиқаи “Тоскулоҳи бузург” (“Baku Grand Slam 2021”) дар Бокуи Озарбойҷон, медали биринҷии мусобиқаи “Abu Dhabi Grand Slam 2021” дар Абу Дабии Аморати Муттаҳидаи Араб, ғолиби Ҷоми президенти Тоҷикистон дар Душанбе.
.jpg)
ИЗОБРАЖЕНИЕ
Акмалиддин КАРИМОВ (самбо) – барандаи медали тиллои чемпионати ҷаҳон дар вазни 58 кг дар Тошканди Ӯзбекистон, медали нуқраи Ҷоми президенти FIAS (Федератсияи байналмилалии самбо) дар шаҳри Санкт-Петербурги Русия, медали биринҷии Ҷоми ҷаҳон дар Маскави Русия.
ИЗОБРАЖЕНИЕ
Комроншоҳ УСТОПИРИЁН (ҷудо) – барандаи медали биринҷии чемпионати Осиё дар вазни 90 кг дар Бишкеки Қирғизистон, медали нуқраи мусобиқаи “Тоскулоҳи бузург” (“Abu Dhabi Grand Slam 2021”) дар Абу Дабии Аморати Муттаҳидаи Араб, ғолиби Ҷоми Президенти Тоҷикистон дар Душанбе.
ИЗОБРАЖЕНИЕ
Сомон МАҲМАДБЕКОВ (ҷудо) – барандаи медали нуқраи чемпионати Осиё дар вазни 73 кг дар Бишкеки Қирғизистон.
.jpg)
ИЗОБРАЖЕНИЕ
Хушқадам ХУСРАВОВ (самбо) – барандаи медали нуқраи чемпионати ҷаҳон дар вазни 64 кг дар Тошканди Ӯзбекистон, ғолиби Ҷоми ҷаҳон дар Маскави Русия.
.jpg)
ИЗОБРАЖЕНИЕ
Далер РИЗОЗОДА (гуштини юнониву румӣ) – барандаи медали нуқраи чемпионати Осиё дар вазни 77 кг дар шаҳри Алмаатои Қазоқистон.
.jpg)
ИЗОБРАЖЕНИЕ
Миҷгона САМАДОВА (бокс) – барандаи медали биринҷии чемпионати Осиё дар вазни 57 кг дар Дубайи Аморати Муттаҳидаи Араб, медали тиллои Ҷоми ҷаҳон дар Нижневартовски Русия.
ИЗОБРАЖЕНИЕ
Баҳодур УСМОНОВ (бокс) – барандаи медали биринҷии чемпионати Осиё дар вазни 64 кг дар Дубайи Аморати Муттаҳидаи Араб.
.jpg)
ИЗОБРАЖЕНИЕ
Шаббос НЕЪМАТУЛЛОЕВ (бокс) – барандаи медали биринҷии чемпионати Осиё дар вазни 81 кг дар Дубайи Аморати Муттаҳидаи Араб.
ИЗОБРАЖЕНИЕ
Моҳрӯ ҲАЛИМОВА (таэквондо ВТФ) – барандаи медали биринҷии чемпионати Осиё дар вазни 67 кг дар Бейрути Лубнон.
.jpg)
ИЗОБРАЖЕНИЕ
Темур Раҳимов дар намудҳои олимпӣ, Акмалиддин Каримов дар намудҳои ғайриолимпӣ варзишгарони беҳтарини сол дониста шуданд. Миҷгона Самадова дар миёни занон беҳтарин варзишгари сол эътироф гардид.
«Соли 2021 барои варзишгарони тоҷик соли имтиҳони ҷиддӣ буд. Даҳ варзишгари тоҷик дар Олимпиадаи Токио ширкат карданд. Вале, мутаассифона, онҳо натавонистанд медал ба даст биёранд. Зимнан, аз байни кишварҳои собиқи Шӯравӣ ва Осиёи Марказӣ танҳо Тоҷикистон бе медал монд», – иброз дошт Нарзулло Латипов.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
