Як муҳоҷири тоҷик дар Краснояск бо иҷрои суруд аз кинофилмҳои ҳиндӣ машҳур шудааст. Ҷавоне бо номи Сорбон изҳор доштааст, ки пул кор карда, гурӯҳи мусиқии худро ташкил карданист.

Бино ба иттилои Life, Сорбон дар ватан ба ҳайси овозхон дар театри маҳаллӣ кор карда, лекин маҷбур шудааст, ки касбашро тарк намуда, ба Русия равад. Замони муҳоҷират ӯ аз таронахониаш даст накашида, ҳангоми кор бо забони ҳиндӣ ва дигар забонҳо суруд мехонад.

Баъди ба шабакаи Интернет роҳ ёфтани наворҳои видеои сабти сурудҳои Сорбон, ӯро ба тӯйҳо даъват мекардагӣ шуданд. Маъмулан ӯ ба хизмат дар тӯйҳо розӣ шуда, вале барои он маблағ намегирифтааст.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.