Шурӯъ аз 1-уми апрели соли равон Русия ҳаҷми боҷи содиротӣ ба маҳсулоти нафтиро боз боло мебарад.
Дар сомонаи расмии ҳукумати ин кишвар гуфта мешавад, бо қарори марбута меъёри қимати боҷи содиротӣ ба нафти хом ва дигар маҳсулоти нафтии ҷудогона, ки ба хориҷи кишвар ва давлатҳои узви Иттиҳоди гумрукӣ содирот карда мешаванд, тасдиқ карда хоҳанд шуд.
Ҳамин тариқ, аз 1-уми апрел қимати боҷи содиротӣ ба маҳсулоти рӯшани нафтӣ аз 271 то 304 $ барои як тонна ва боҷи содиротӣ барои як тонна бензин аз 370,1 то 414,6 $ зиёд мешаванд.
Ёдрас мекунем, ки ҳукумати Русия ҳар моҳ меъёрҳои боҷи содиротӣ ба маҳсулоти нафтиро бозбинӣ намуда, нимаи моҳи март коршиносони Русия афзоиши меъёри боҷи гумрукӣ ба маҳсулоти нафтии Русияро пешгӯйӣ карда буданд.
Дар ҳамин ҳол, Тоҷикистону Русия то ҳанӯз сари масъалаи ба Тоҷикистон содирот намудани маҳсулоти нафтии Русия бидуни боҷи содиротӣ ба мувофиқа нарасидаанд.
Нимаи моҳи феврал дар Маскав миёни Русияву Тоҷикистон як асноди тавозунӣ оид ба ҳаҷми содироти маводи сӯзишворӣ ба Тоҷикистон дар соли 2012 ба имзо расид.
Қобили зикр аст, ки ҳарчанд Қирғизистон низ мисли Тоҷикистон узви Иттиҳоди гумрукӣ набошад ҳам, вале маҳсулоти нафтии Русияро бидуни пардохти боҷи содиротӣ дастрас менамояд.
