Эмомалӣ Раҳмон дар паёми имрӯзааш ба Маҷлиси Олӣ эълон кард, ки сар аз якуми январи соли 2022 маоши хидматчиёни ҳарбӣ 25% боло бурда мешавад. Ҳамчунин раисҷумҳур гуфт, ки маоши кормандони дигари мақомоти қудратӣ ва ҳифзи ҳуқуқ 20 дар сад боло бурда мешавад.
Раисҷумҳури Тоҷикистон, ҳамчунин аз боло бурдани маоши кормандони дигари бахши буҷавӣ ва стипендияҳои донишҷӯёну муҳаққиқон хабар дод, ки аз якуми июли соли 2022 то 20% зиёд мешавад.
Аз якуми июл андозаи нафақаи ятимони кул ва нимятим 25% зиёда карда мешавад.
Эмомалӣ Раҳмон гуфт, ки соли 2022 аҳолии Тоҷикистон ба 10 миллион ва соли 2026 ба 11 миллион мерасад, ки бояд барномаву стратегияҳои давлат бар асоси афзоиши шумораи аҳолӣ таҳия шаванд.
Раисҷумҳур дастур дод, ки то охири соли 2022 дар кишвар Сатргеияи иқтисоди давлат таҳия ва пазируфта шавад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
