Душанбе. 14-уми июл. ОИ «Азия-Плюс» – Зимни баргузории санҷиши фаъолияти молиявии Корхонаи воҳиди давлатии (КВД) «Заря Востока»-и шаҳри Табошар аз ҷониби кормандони агентии назорати давлатии молиявӣ ва мубориза бо фасоди вилоят як қатор қонуншиканиҳои андоз ошкор гардидааст.
Ба ОИ «Азия-Плюс» аз агентии мазкур хабар доданд, ки дар рӯйпӯш кардани пардохтҳо ба андози давлатӣ директори генералӣ Абдураҳим Расулов ва сармуҳосиби корхона Нормуҳаммад Умаров гумонбар дониста мешаванд.
«Роҳбарони корхона тавассути тақаллубкории санадҳо ба буҷаи давлатӣ ба маблағи 555,5 ҳазор сомонӣ хисорот ворид сохтаанд», – изҳор дошт манбаъ.
«Бо вуҷуди он ки маблағи хисорот пурра баргардонида шуда бошад ҳам, агентӣ бобати ба ҷавобгарии ҷиноятӣ ҷалб кардани вакили маҷлиси шаҳри Табошар, директори генералии КВД «Заря Востока» Абдуаҳим Расулов ба додситони виояти Суғд муроҷиат кардааст», – афзуд сарчашма.
