Нимаи дуюми дирӯз президенти Тоҷикистон Эмомалӣ Раҳмон ба шаҳраки Қипчоқ ташриф оварда, оромгоҳи нахустпрезиденти Туркманистон Сапармурод Ниёзовро зиёрат намуд ва дар наздаш гулчамбар гузошт.
Бино ба маълумоти хадамоти матбуоти сарвари давлат, худи ҳамин рӯз Эмомалӣ Раҳмон ҳамчунин дар назди муҷассамаи Конститутсияи Туркманистон гулчанбар гузошта, бо осорхонаи Конститутсияи ин кишвар ва масҷиди Туркманбошӣ аз наздик шинос шуд.
Ёдрас мекунем, ки сафари расмии президенти Тоҷикистон ба Туркманистон рӯзи 23-юми август оғоз гардид. Аз рӯи натиҷаҳои мулоқоту музокироти расмӣ 7 санади ҳамкорӣ ба имзо расид, ки ба рушди минбаъдаи ҳамкориҳои Тоҷикистону Туркманистон равона шудаанд.
