Душанбе. 15-уми январ. ОИ «Азия-Плюс» – Имрӯз дар ҷараёни ҷаласаи ҷамъбастии ҳкумати ҷумҳурӣ Президенти Ҷумҳурии Тоҷикистон раиси Ширкати саҳомии «Барқи тоҷик» Шарифхон Самиев, раиси Корхонаи воҳиди давлатии «Тоҷикгаз» Фатҳиддин Мӯҳсиддинов ва директори Корхонаи воҳиди давлатии «Тоҷиксемент» Маҳмадраҳим Каримовро аз вазифа озод намуд. Ғайр аз ин, раиси Кумитаи андози назди Ҳукумати ҷумҳурӣ Ҳаким Солиев бо сабаби ба нафақа баромаданаш аз вазифа сабукдӯш гардид. Эмомалӣ Раҳмон ба Ҳ.Солиев барои кори тӯлонию самарабахшаш дар бобати
беҳтар сохтани
вазъи соҳаи андоз миннатдорӣ баён кард.
Президенти Ҷумҳурии Тоҷикистон Эмомалӣ Раҳмон аз талафоти зиёди нерўи барқ, ки асосан аз ҳисоби аҳолӣ аст ва ҳаҷми он дар соли 2008 2,9 миллиардро ташкил додааст, изҳори нигаронӣ намуда, ба мардуми кишвар муроҷиат намуд, ки маблағҳои истифодабарии барқро саривақт ва пурра пардохт намоянд. Дар ин бора АМИТ «Ховар» хабар медиҳад.
