Дар мувофиқа бо сарвари давлат бо фармони вазири корҳои дохилии Тоҷикистон Рамазон Раҳимов чанде аз роҳбарони мақомоти вазорат дар ВМКБ ва дигар минтақаҳои кишвар ба вазифа таъин шуданд.
Бино ба итттилои сомонаи расмии Вазорати корҳои дохилии ҷумҳурӣ, полковники милитсия Файзулло Нозимов – муовини аввали сардори РВКД дар ВМКБ, майори милитсия Рустам Хусравов – муовини сардори РВКД дар ВМКБ, майори милитсия Эраҷ Ёразизов – сардори шӯъбаи мубориза бар зидди гардиши ғайриқонунии маводи нашъаовари РВКД дар ВМБК, подполковники милитсия Гулбек Эмомбердиев сардори ШВКД дар ноҳияи Мурғоб ва подполковники милитсия Баҳодур Холиқов сардори ШВКД дар ноҳияи Ишкошим таъин карда шуданд.
Ғайр аз ин, подполковники милитсия Музаффар Бойматов – сардори ШВКД дар ноҳияи Нуробод ва подполковники милитсия Дилшод Маҳмадов – сардори ШВКД дар нақлиёти вилояти Хатлон таъин гардиданд.
