Рӯзи солмандонро нафақахӯрони тоҷик ба таври махсус таҷлил карданд. Онҳо як тарабхонаро дар Душанбе пурра ба иҷора гирифта, дар он зиёфати шомгоҳӣ оростанд ва рақсу таронахонӣ карданд.
“Айни ҳол синни беҳтарини мо расидааст, гӯё нафақа дигар замони истироҳат аст. Аммо на, ин вақти мост, ки акнун ҳамаи орзуҳоямонро амалӣ карда, ба кори дӯстдоштаамон машғул шуда метавонем. Ва ана ҳамин тавр суҳбат кардаву истироҳат мекунем”, – мегӯяд созмондиҳандаи ин маҳфил Зулайхо Эгамова.
Меҳмонони он намоиши мӯд баргузор карданд. Ба ин намоиш онҳо як моҳи пурра омода шуда, бо тарроҳ аз бозорҳо либосу ороишот интихоб карданд.
Ин чорабинӣ таҷрибаи нахустини маҳфили пиронсолони “Ҳамдилон Оптима” аст, ки акнун мунтазам баргузор мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
