7 феврал Лигаи ҷумҳуриявии футболи кӯдакон «Футбол ба назди шумо меояд» бо сарпарастии расмии Tcell якбора дар ҳама манотиқи мамлакат шурӯъ кард. Маросими ифтитоҳии ҷашнвора дар Душанбе, Ҳисор, Хуҷанд, Бохтар ва Кӯлоб сурат пазируфтанд.
Дар Душанбе ифтитоҳи ҷашнвора дар варзишгоҳи «Душанбе Арена» баргузор гардид. Беш аз 200 бозигарони ҷавони футбол – бачаҳо ва духтарон дар ин ҷо ҷамъ шуда, бо табъу рӯҳи болида ба бозиҳои Лигаи имсола оғоз бахшиданд. Ноиб-раиси Федератсияи футболи Тоҷикистон Дилшод Ҷӯразода ва Директори генералии ширкати Tcell Озодхон Давлатшоев аснои ифтитоҳи ҷашнвора ба бозигарони наврас муваффақияту комёбӣ таманно карданд.
ИЗОБРАЖЕНИЕ
Дар ин мавсим лига дар се категорияи синну соли кӯдакон, на бузургтар аз 7, 9 ва 11- солаҳо баргузор мешавад. Бозиҳои марҳилаи интихобӣ то моҳи апрел сурат гирифта, баъди он беҳтарин дастаҳо ба марҳилаи ниҳоӣ роҳхат мегиранд ва ғолибон муайян мегарданд.
ИЗОБРАЖЕНИЕ
Дар ВМКБ оғози мавсими «Футбол ба назди шумо меояд» ба моҳи март ба таъхир гузошта шудааст.
Лигаи футболи кӯдакон «Tcell – Футбол ба назди шумо меояд» дар соли 2021 ба 30-солагии Истиқлолияти давлатии Ҷумҳурии Тоҷикистон ва 20-солагии таъсиси ширкати Tcell бахшида мешавад.
ИЗОБРАЖЕНИЕ
Яке аз ҳадафҳои аслии лоиҳа ҷалби кӯдакон ба бозии футол ва тарғиби тарзи ҳаёти солим мебошад. Бо дастгирии Лигаи кӯдаконаи «Футбол ба назди шумо меояд», Tcell дар ҳаққи насли ҷавон ғамхорӣ менамояд, зеро маҳз дар замони кӯдакӣ ба тарзи ҳаёти солим асос гузошта мешавад.
___________________
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED – Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст.
Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
