Мактабҳо дар Тоҷикистон ба соли нави хониш омода мешаванд. Имсол тартиби хониш ба куллӣ фарқ хоҳад кард.

Мо бо рафти омодагӣ ба оғози машғулиятҳо дар мактаби таҳсилоти миёнаи умумии №55-и шаҳри Душанбе шинос шудем.

Дар даромадгоҳи ин таълимгоҳ аллакай қолинчаҳои безараргардонӣ партофтаанд. Оғози таҳсил бошад, навбатдорон ҳарорати кӯдаконро санҷида дастонашонро поккорӣ мекунанд ва ба онҳо ниқоб медиҳанд.

Дар долонҳо барои риояи масофа хатҳои уфуқӣ кашидаанд. Кӯдакон бояд дар масофаи 1,5 метр аз ҳамдигар гаштугузор кунанд ва қатъиян бо самтҳои муайяншуда гузаранд.

Тибқи қоидаҳои нав масофа байни мизҳо бояд на камтар аз 1 метр бошад. Кӯдакон сари мизҳо якнафарӣ шинонида мешаванд.

Ин дар ҳолест, ки на ҳамаи мактабҳо метавонанд фосилаи иҷтимоиро дар синфҳо ҷорӣ кунанд. Аксари синфхонаҳо дар мактабҳои ҳамагонии кишвар масоҳати кам ва то 30-35 нафар хонанда доранд.Толорҳои хониш барои ингуна ҷобаҷокунӣ намерасад.

Ёдрас мекунем, ки соли нави хониш имсол дар Тоҷикистон аз 17 август шурӯъ мешавад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.