Президенти Тоҷикистон Эмомалӣ Раҳмон имрӯз, 18 август дар маҷмааи давлатии “Кохи Борбад” бо намояндагони низоми тандурустии кишвар вомехӯрад. Ин чорабинӣ ба муносибати Рӯзи касбии табибон, ки имрӯз таҷлил мегардад, баргузор мешавад.
Тавре ба “Азия-Плюс” як манбаъ аз ҳукумати Тоҷикистон хабар дод, зимни мулоқот аз дастоварду камбудиҳои тибби муосири тоҷик натиҷагирӣ шуда, ба масъалаи мубориза бо пандемияи коронавирус таваҷҷуҳи хосса зоҳир хоҳад шуд.
Қобили зикр аст, ки 18 август – дар зодрӯзи табиб, олим ва файласуфи маъруфи тоҷик Абӯалӣ ибни Сино дар ҷумҳурӣ Рӯзи табибон ҷашн гирифта мешавад.
Рӯзи иди мазкур бо ташаббуси ҳайатҳои кормандони тиббии ҷумҳурӣ ва Шӯрои Федератсияи иттифоқҳои касабаи мустақили Тоҷикистон таъин шуд.
Соли 1995 парлумони Тоҷикистон ин рӯзро ба рӯйхати санаҳои иди давлатӣ дохил кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
