Душанбе. 15-уми январ. ОИ «Азия-Плюс» – Қаҳрамони футболи Тоҷикистон дастаи «Регар» ТадАЗ-и Турсунзода ҷиҳати иштирок дар давраи 17-уми Ҷоми Иттиҳод имрӯз аз шаҳри Қазон ба пойтахти Русия – шаҳри Маскав меравад.
Бояд гуфт, дар доираи омодагӣ ба Ҷоми Иттиҳод футболбозони мо дар Ҷумҳурии Тотористон бо ҳайати дуюми дастаи “Рубин”-и Қазон ду бозии санҷишӣ анҷом доданд. Вохӯрии аввали «Регар-ТадАЗ» бо ҳайати дуюми тими «Рубин» дар рӯзи 10-уми январ бо натиҷаи сифр бар 1 ба фоидаи дастаи мизбон анҷом ёфта, дар бозии ҷавобӣ, ки ду рӯз баъди ин баргузор гардид, дастаи мо тавонист тими рақибро бо ҳисоби мушобеҳ 1 бар сифр мағлуб созад.
Ёдовар мешавем, дар давраи 17-уми Ҷоми Иттиҳод, ки аз 17-ум то 25-уми январ дар шаҳри Маскав баргузор хоҳад гашт, дастаи «Регар-ТадАЗ»-и Турсунзода дар гурӯҳи «С», бо дастаҳои «Левадия»-и Эстония, «Шериф»-и Молдова ва «Шахтёр»-и Украина қувваозмоӣ мекунад. Дар давраи навбатии Ҷоми Иттиҳод 16 даста дар чаҳор гур
ӯ
ҳ бо ҳам рақобат хоҳанд кард. Мавриди зикр аст, дастаи «Регар ТадАЗ» ҷумҳурии моро дар ин мусобиқаи анъанавии байналмилалӣ бори ҳаштум намояндаг
ӣ
мекунад.
