Душанбе. 18-уми сентябр. ОИ «Азия-Плюс» – Имрӯз дар шаҳри Душанбе, дар «Кохи Ваҳдат» дидору мулдоқоти навбатии ниҳодҳои мубориза бо маводи мухаддири мақомоти ҳифзи ҳуқуқ, хадамоти махсус ва гумруки кишварҳои узви Иттиҳоди Давлатҳои Муштаркулманофеъ (ИДМ) доир мегардад. Дар ин бора ба ОИ «Азия-Плюс» аз Вазорати умури дохилии ҷумҳурӣ хабар доданд.
Ба гуфтаи манбаъ, дар мулоқот масоили баргузории амалиёти муштарак, тарзҳои ҷустуҷӯ ва ошкор сохтани гурӯҳҳои ҷинояткори байнидавлатӣ ва табодули иттилоот дар мубориза алайҳи қочоқи маводи мухаддир мавриди баррасӣ қарор хоҳанд гирифт.
«Мулоқот таҳти раисии сардори Дафтари ҳамоҳангсозии мубориза бо ҷинояткории муташаккил ва дигар ҷиноятҳои хавфноки Кумитаи иҷроияи ИДМ, генерал лейтенанти милиса Александр Боков баргузор хоҳад шуд», – изҳор дошт сарчашма.
