Душанбе. 29-уми июл. ОИ «Азия-Плюс» – Чанде пештар кормандони Агентии назорати маводи нашъаовари назди президенти Тоҷикистон як амалиёти аз муомилоти ғайриқонунӣ мусодира кардани маводи мухаддирро анҷом доданд.
Чӣ тавре ки ба ОИ «Азия-Плюс» аз агентии мазкур иттилоъ доданд, зимни баргузории амалиёт дар километри нӯҳуми шаҳри Душанбе ҳангоми фурӯши маводи мухаддир шаҳрванди 28-солаи Тоҷикистон боздошт шудааст.
Бино ба иттилои манбаъ, зимни кофтукови боздоштшуда як бастаи селлофание бо
499,9 грамм
маводи сахттаъсири ҳероин дарёфт ва мусодира карда шудааст. «Аз рӯи ин далел парвандаи ҷиноӣ боз шуда, корҳои тафтишотӣ идома доранд», – афзуд манбаъ.
