Душанбе. 12-уми август. «Азия-Плюс» — | Як ҳайати Кумитаи марказии Ҳизби коммунисти Чин таҳти сарварии узви Кумитаи доимии Бюрои сиёёсии Кумитаи марказии ҳизби мазкур Чжоу Юнкан ба Тоҷикистон ташриф меорад.
Ҳайати Ҳизби коммунисти Чин бо даъвати Ҳизби халқии демократии Тоҷикистон аз ҷумҳурӣ боздид намуда, аз 21 то 23-юми август дар Тоҷикистон қарор хоҳад дошт. Дар ин бора ба ОИ «Азия-Плюс» роҳбари шӯъбаи таблиғот ва кор бо ВАО-и ҲХДТ Усмон Солеҳов хабар дод.
Дар ҷараёни сафар мулоқоти ин ҳайат бо сарвари давлат, раиси ҲХДТ Эмомалӣ Раҳмон ва вакилони палатаи поёнии парлмони кишвар дар назар аст.
«Ҳамчунин гуфтушуниди ҳайат бо мақомоти раҳбарии ХҲДТ доир гардида, сафари ҳайат ба як қатор манотиқи кишвар ба нақша гирифта шудааст», – зикр кард У.Солеҳов.
