Сафорати Тоҷикистон дар Қирғизистон ба унвони Тимур Салматов, директори Театри миллии академии опера ва балети ба номи Абдилас Салдибоеви Қирғизистон барои мусоидати ҳамаҷониба ҷиҳати баргузории консерти ботантанаи устодони ҳунари Тоҷикистону Қирғизистон бахшида ба 20-умин солгарди роҳандозии муносибатҳои дипломатӣ миёни кишварҳо мактуби миннатдорӣ ирсол кард.
Бино ба иттилои намояндагии дипломатии Тоҷикистон дар Бишкек, консерт бо толори пур аз тамошобинон ва бо иштироки роҳбарону намояндагони вазорату идораҳо, аҳли ҷомеа ва намояндагиҳои дипломатии муқими Қирғизистон хотирмон баргузор гардид.
Гуфта мешавад, дар консерт устодони санъати Тоҷикистону Қирғизистон ҳунарнамоӣ карда, ҳамчунин дар толори театр ба ҳозирин намоишгоҳи аксҳои Арбоби шоистаи фарҳанги Тоҷикистон Заур Дахте таҳти унвони «Тоҷикистони муосир» пешкаш гардид.
