Имрӯз дар Кумитаи давлатии сармоягузорӣ ва идораи амволи давлатии Тоҷикистон бо мақсади ҷалби сармоягузориҳои мустақими хориҷӣ ба иқтисодиёти кишвар байни Кумитаи мазкур ва ширкати байнулмилалии AMER International Group Co. LTD-и Чин Ёддошти тафоҳум оид ба ҳамкорӣ ба имзо расонида шуд.
Бино ба иттилои хадамоти матбуоти Кумита, тибқи Ёддошти тафоҳуми мазкур тарафҳо тасмим гирифтанд, ки оид ба сармоягузорӣ дар соҳаҳои алоқа, саноати сабук, энергетика, кишоварзӣ, саноати куҳӣ, металлургияи ранга ва нақлиёт ҳамкориро густариш диҳанд.
«Ширкати байналмилалии AMER International Group Co. LTD Ҷумҳурии Халқии Хитой тасмим гирифт, ки дар оянда дар ин соҳаҳо наздики 500 млн. долл. ИМА сармоягузорӣ намояд», – зикр мегардад дар хабари Кумита.
Гуфта мешавад, тарафҳо ба мувофиқа расиданд, ки минбаъд ҳамкории мутақобиларо дар заминаи Ёддошти тафоҳуми мазкур тақвият бахшанд.
