Прокурори генералии Тоҷикистон Юсуф Раҳмонов, ки ахири моҳи январ ба ин мансаб таъин гардид, рӯзи 24 феврал бо иштироки кормандони масъули мақомоти прокуратура, намояндагони ВКД, КДАМ, Агентии назорати маводи нашъаовар ва Агентии зиддифасод ҷаласаи васеи ҳайати мушовара (коллегия)-и Прокуратураи генералиро баргузор намуд.
Бино ба иттилои маркази матбуоти Прокуратураи генералии ҶТ, дар ҷаласаи ҳайати мушовара масъалаи иҷрои дастурҳои президент бобати тақвияти мубориза бо коррупсия, ки санаи 17 феврал дар ҷаласаи Шӯрои амният садо дод, баррасӣ шуд.
Гуфта мешавад, Юсуф Раҳмонов ба сохторҳои дахлдор ҷиҳати тақвияти мубориза бо ҷинояткорӣ, бахусус зуҳуроти коррупсионӣ дастур дода, тақозо кард, ки сифати тафтишоти пешакии парвнадаҳои марбут ба коррупсия беҳтар гардонида шавад.
Зимнан зикр мегардад, ки Юсуф Раҳмонов зимни сухаронӣ таъкид доштааст, ки назорати прокурорӣ нисбат ба парвандахои ҷиноие, ки беасос боз шудаанд, пурзӯр карда мешавад.
