Рӯзи 26 феврали соли 2015 дар Душанбе мулоқоти вазири корҳои хориҷии Тоҷикистон Сироҷидин Аслов бо сафири Ҷумҳурии Корея дар Тоҷикистон (иқоматгоҳ дар Тошканд) Ли Ук-хён баргузор гашт.
Бино ба иттилои Вазорати корҳои хориҷии ҷумҳурӣ, дар рафти суҳбат сафир кордори навтаъиншудаи Ҷумҳурии Корея дар Душанбе Йом Ки Ёнгро муаррифӣ намуд.
Гуфта мешавад, дар ҷараёни мулоқот масоили рушди муносибатҳои дуҷониба ва ҳамкорӣ дар доираи созмонҳои байналмилалӣ ва минтақавӣ мавриди баррасӣ қарор гирифтанд.
Зимнан зикр мегардад, ки ҷонибҳо ҳамчунин атрофи рушди ҳамкориҳои Тоҷикистону Корея дар соҳаҳои иқтисоду тиҷорат ва сармоягузорӣ табодули назар намуданд.
