Санаи 8 апрел дар натиҷаи гузаронидани чорабиниҳои фаврӣ-ҷустуҷӯӣ кормандони милитсия соҳибкорзани 41-сола, сокини шаҳри Душанберо ба гумони даст доштан дар муомилоти ғайриқонунӣ бо асъори хориҷӣ дастгир намуданд.
Бино ба иттилои маркази матбуоти ВКД ҶТ, гумонбаршуда дар ин рӯз дар нуқтаи савдояш, воқеъ дар бозори “Корвон”, ҳангоми фурӯши ҷавоҳироти тиллоӣ, ба ивази 2 соати тилло аз харидор 9 ҳазору 800 доллари амрикоӣ гирифтааст.
Гуфта мешавад, аз рӯи ин ҳодиса парвандаи ҷиноятӣ оғоз гардида, тафтишот дар ин самт давом дорад.
