Семоҳаи аввали соли равон дар корхонаҳои саноатии Тоҷикистон ба маблағи беш аз 2,5 млрд. сомонӣ (зиёда аз 415 млн. доллари ИМА) маҳсулот истеҳсол карда шуд.
Тавре аз Агентии омори назди президенти ҶТ иттилоъ доданд, ин нишондиҳанда нисбат ба ҳамин давраи соли гузашта аз рӯи таносуби нарх ба андозаи 16,7% зиёдтар аст.
Афзоиши ҳаҷми истеҳсоли маҳсулоти саноатиро нисбат ба ҳамин давраи соли гузашта дар Агентии омор ба зиёдшавии назарраси истеҳсолот дар бахшҳои истеҳсоли маҳсулоти ғизоӣ (бо шумули нӯшокиҳо), коркарди чӯб ва маснӯот аз чӯб, истеҳсоли коғаз, дигар маҳсулоти ғайриметаллии минералӣ, тавлиди нерӯи барқ ва ғайра нисбат медиҳанд.
Гуфта мешавад, аз 90 навъи маҳсулоти саноатии муҳим семоҳаи аввали соли 2015 дар 49 номгӯи он (54,4%) истеҳсоли ҳаҷми маҳсулот афзоиш ва дар 26 номгӯй (28,9%) истеҳсоли он коҳиш ёфта, 15 номгӯи (16,7%) маҳсулот истеҳсол нашудаанд.
Зимнан зикр мегардад, ки аз 1 ҳазору 812 корхонаи саноатии назди Агентии омор ҳисоботдиҳанда, семоаҳаи аввали соли ҷорӣ 408 корхона фаъолият надоштаанд.
