Ҳайати Тоҷикистон дар Форуми дуюми байнулмилалии фарҳангии Роҳи Абрешим, ки санаи 14 сентябр дар шаҳри Маскав ба кор шурӯъ мекунад, ширкат меварзад.
Аз хадамоти матбуоти Фонди байнидавлатии ҳамкории гуманитарии кишварҳои узви ИДМ дар ин робита иттилоъ доданд, ки мавзӯи форум «Рушди шарикӣ. Таҳияи лоиҳаҳои муштарак дар бахши ҳамкории фарҳангӣ» буда, дар кори чорабинии мазкур аз иштироки намояндагон аз 16 кишвари узви Созмони ҳамкории Шанхай ва шарикон оид ба муколама интизорӣ меравад.
Зимнан зикр гардид, ки аз рӯи натиҷаҳои кори форум созишнома дар бораи таъсиси сохтори нави байнидавлатӣ – «Ташкили ҳамкории фарҳангии «Роҳи Абрешим – Авруосиё» ба имзо мерасад.
