Вазири нақлиёти Тоҷикистон Шералӣ Ганҷалзода бо ҳайати Консортсиуми ширкатҳои “Метсед”, “Незар” ва “Умари Морун”-и Ҷумҳурии Исломии Эрон мулоқот намуд.
Бино ба иттилои хадамоти матбуоти Вазорати нақлиёти ҶТ, ҳайати Консортсиум бо мақсади баррасии имкони иштирок дар лоиҳаҳои инфрасохторӣ ва энергетикии Ҷумҳурии Тоҷикистон ба кишвари мо ташриф оварда буданд.
Гуфта мешавад, дар ҷараёни сафар ҳайат бо вазорату кумита ва корхонаҳои дахлдори дигар низ вохӯриҳо доштанд.
Зимнан зикр мегардад, ки дар мулоқот бо вазири нақлиёти Ҷумҳурии Тоҷикистон мавзӯъи имкони ширкат варзидани ширкатҳои эронӣ дар лоиҳаҳои инфрасохторӣ муҳокимаву баррасӣ шуд.
Қобили зикр аст, ки ширкатҳои эронӣ дар амалисозии як қатор лоиҳаҳои зербиноӣ ва энергетикӣ дар Тоҷикистон ширкат варзиданд, аз ҷумла дар сохтмони нақби «Истиқлол», ки то ҳанӯз бозсозиша идома дорад, ҳарчанд расман соли 2006 мавриди истифода қарор гирифта буд.
