Ба марзбонони қирғиз муяссар шудааст, ки интиқоли ғайриқонунии миқдори зиёди қурутро ба Тоҷикистон пешгирӣ кунанд.
Бино ба
маълумоти
дафтари матбуоти Хадамоти давлатии марзбонии Қирғизистон, санаи 28 март дар мавзеи Эки-Тоши вилояти Ботканд марзбонон як шаҳрванди Қирғизистонро боздошт намудаанд, ки дар автомашинаи тамғаи Hyundai Porter 61 халта қурут бо вазни умумии 1 ҳазору 460 килоро ба Тоҷикистон интиқол доданӣ будааст.
Дар маълумот қайд мешавад, ки мақомоти гумрук арзиши бори қочоқии боздоштшударо тахминан ҳудуди 200 ҳазор сом (наздики 3 ҳазор $) арзёбӣ кардаанд.
«Пас аз таҳияи ҳуҷҷатҳои дахлдор шаҳрванди боздоштшуда ва бори қочоқӣ ба ихтиёри шуъбаи минтақавии Хадамоти давлатии гумруки Қирғизистон супурда шуд», – гуфта мешавад дар маълумоти мазкур.
