Вазири молияи Тоҷикистон Абдусалом Қурбониён рӯзи 12 июл бо намояндагони Бонки ҷаҳонӣ таҳти сарварии роҳбари Таҷрибаи глобалӣ оид ба энергетикаи Бонк Ранҷит Ламек дидору гуфтушунид кард.
Бино ба иттилои котиботи Вазорати молияи ҷумҳурӣ, зимни мулоқоти созанда ҷонибҳо ба масъалаи рушди бахши энергетикаи кишвар, аз ҷумла ҷараёни омодагӣ ва амалисозии лоиҳаи сармоягузорӣ аз рӯи лоиҳаи таъмиру таҷдиди нерӯгоҳи Норак таваҷчуҳи хосса зоҳир намудаанд.
Гуфта мешавад, муҳим будани амалисозии лоиҳаи таъмиру азнавсозии нерӯгоҳи Норак таъкид шудааст, ки аз масоили марбут ба шартҳои сармоягузорӣ бо назардошти тағйироти ахир иборат аст.
Зимнан зикр мегардад, ки дар вохӯрӣ намояндаи доимии Бонки ҷаҳонӣ дар Тоҷикистон Патрисия Виверс-Картер низ ҳузур дошта, ҷонибҳо ҳамзамон атрофи масоили андешидани тадбирҳои минбаъда ҷиҳати омодагӣ ва пешбурди ин лоиҳа табодули назар намудаанд.
