Кормандони Хадамоти гумруки ҷумҳурӣ аз воридоти ғайриқонунии молу матоъ ва сарулибоси гуногун ба Тоҷикистон аз кишвари ҳамсояи Қирғизистон ҷилавгирӣ намуданд.
Бино ба
иттилои
дафтари матбуоти Хадамоти гумрук, дар қаламрави деҳаи Қотмаи ноҳияи Бобоҷон Ғафуров, ки бо Қирғизистон ҳаммарз аст, гумрукчиён зимни азназаргузаронии автомашинаи боркаш миқдори зиёди матоъҳои гуногун ва сарулибос барои мардону кӯдаконро бидуни анҷоми расмиёти гумрукӣ дарёфт намудаанд.
Гуфта мешавад, ин молу матоъҳои дарёфтшуда бо арзиши умумии беш аз 241 ҳазор сомонӣ ба сокини 28-солаи маҳаллӣ тааллуқ доштааст.
Зимнан зикр мегардад, ки аз рӯи ин далел мутобиқи моддаи 289, қ. 1-и Кодекси ҷиноии ҶТ (Қочоқ) парвандаи ҷиноӣ боз гардида, он ҷиҳати баррасӣ ба прокуратураи ноҳияи Бобоҷон Ғафуров ирсол гардидааст. Дар ин модда ҷазои ҷаримабандӣ дар ҳаҷми аз 10 то 36 ҳазор сомонӣ ё маҳрумият аз озодӣ ба муҳлати то 5 сол пешбинӣ мешавад.
