Кӯҳнаварди тоҷик Фарҳод Муминов қуллаи баландтарини Аврупо – Элбрусро бо баландии 5642 метр фатҳ кард.
Дар саҳифаи худ дар Фейсбук Фарҳод навиштааст, ин фатҳи қуллаи худро, ки 32-юмин аст, ба 25-умин солгарди Истиқлолиятидавлатии Тоҷикистон мебахшад.
ИЗОБРАЖЕНИЕ
«Каме дер шуда бошад ҳам, тамоми мардуми Тоҷикистонро бо 25-солагии ҷашни Истиқлолият табрику таҳният мегӯям», – навиштааст кӯҳнавард.
ИЗОБРАЖЕНИЕ
Қобили зикр аст, ки Фарҳод Муминов кӯҳнаварди фаъолтарини Тоҷикистон буда, тайи 4 соли ахир парчами Тоҷикистонро дар 10 қуллаи саросари ҷаҳон, аз ҷумла қуллаҳои Корженевский, Ибни Сино, Эдбрус, Килиманҷаро ва ғайра парафшон кард.
Як сол пеш, моҳи сентябри соли 2015 кӯҳнаварди тоҷик парчами Тоҷикистонро дар кӯҳи баландтарини Қафқоз – Казбек гузошт, ки ин маротибаи сеюми дар ин кӯҳ парафшон кардани парчами кишвари худ аз ҷониби ин кӯҳнавард буд.
Қаблан ӯ ба «Азия-Плюс» иттилоъ дода буд, ки аз қитъаи Амрикои Ҷанубӣ, аз ҷумла Аргентина боздид намуда, қуллаи навро кашф ва ба он номи Тоҷикистонро гузоштанист.
