Кормандони милитсия марди 49-солаи сокини пойтахтро ба гумони даст доштан дар муомилоти ғайриқонунии металл ва сангҳои қимматбаҳо дастгир карданд.
Бино ба маълумоти дафтари матбуоти ВКД Тоҷикистон, ҳангоми кофтукови шахсӣ аз дастгиршуда 123-адад сангҳои қимматбаҳои навъи “Зумрад” ва 20-адад сангҳои навъи “Сапфир” дарёфт шудааст.
Гуфта мешавад, инчунин, ҳангоми азназаргузаронии манзили истиқоматиаш 105-адад сангҳои навъи “Ёқут” дарёфт гардидаааст. Мувофиқи маълумотномаи Назорати давлатии иёргирӣ, сангҳои мазкур ба гурӯҳи сангҳои қимматбаҳо шомил буда, арзиши умумиашон 84010,75-сомониро ташкил медиҳанд.
Зимнан зикр мегардад, ки аз рӯи далели мазкур парвандаи ҷиноятӣ оғоз гардида, тафтишот идома дорад.
