Дар сарҳад бо Афғонистон дар соҳили дарёи Панҷ нимаи дуюми рӯзи 26 август аз тири ҷангиёни ҳаракати “Толибон” ду ҷагалбони тоҷик ҳалок ва як нафар захмӣ шуданд, хабар дод ба “Азия-Плюс” як манбаъ аз сохторҳои қудратии Тоҷикистон.
Ҳодиса дар қитъаи байни дидбонгоҳҳои сарҳадии 3 ва 4-и Ҳамадонӣ рух додааст. Сокинони ноҳияи Фархор, ки дар автомашинаи тамғаи “Нива” ҳаракат доштанд, ҳадафи тирпарронӣ аз самти Афғонистон қарор гирифтаанд. Дар натиҷа Амирхон Саидови 53-сола ва Давлат Сангакови 50-сола ҳалок ва Сафархон Раҳмонов захмӣ шудааст. Ҳамаи онҳо ба сифати ҷангалбон кор мекарданд.
Қобили зикр аст, ки ноҳияи Фархори Тоҷикистон бо ноҳияи Дарқади вилояти Таххор дар шимоли Афғонистон ҳамсарҳад аст. Чанд рӯз пеш ҷангиёни толибон гузаргоҳи “Ойхоним”-ро дар ин минтақа тасарруф намуда, беш аз 10 нафар сарҳадбононро ба ҳалокат расониданд.
Аз рӯи далели тирпарронӣ аз он сӯи марз ба шаҳрвандони Тоҷикистон мақомоти прокуратура тафтишот мебарад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Худованд раҳматашон кунад ва чашми душманони Тоҷикистонро кур гардонад. Омин