Тақсими китоби “Шоҳнома” дар Душанбе идома дорад. Ҳоло чаҳор ноҳияи пойтахт ҳудуди 300 ҳазор ҷуфт китоб гирифтаанд, то ба сокинони пойтахт дастрас кунанд.
Намояндагони ҳукумати чор ноҳияи Душанбе гуфтанд, ки то ҳол чунин теъдод “Шоҳнома”-ро барои тақсим ба сокинони пойтахт қабул карданд:
– Исмоили Сомонӣ – 24 522 ҷуфт
– Сино – 104 827 ҷуфт
– Шоҳмансур – 86 138 ҷуфт
– Фирдавсӣ – 73 153 ҷуфт
Рафти тақсими китоби “Шоҳнома” ба сокинони пойтахтро дар гузориши мо бинед:
Бояд гуфт, ки тақдими китоби “Шоҳнома”, ҳамосаи безаволи Абдулқосим Фирдавсӣ аз шаҳру навоҳии ВМКБ оғоз шуда, баъди тақсимот дар шаҳру навоҳии тобеи кишвар ҳоло тақдими он ба сокинон дар пойтах идома дорад. То соли 2026 ин китоб ба тамоми аҳолии кишвар дастрас мегардад. Он аз ҳисоби Фонди захиравии президенти Тоҷикистон дар нашриёти “Шарқи озод” дар ду ҷилд бо теъдоди 1 млн 700 ҳазор нусха ба нашр расидааст.
