Душанбе. 25-уми сентябр. ОИ «Азия-Плюс» – Дар самти Шӯроободи марзи давлатии Тоҷикистону Афғонистон ду маротиба – рӯзҳои 16 ва 23-уми сентябри соли ҷорӣ аз кӯшиши интиқоли ғайриқонунии маводи мухаддир аз кишвари ҳамсоя ба қаламрави ҷумҳурӣ ҷилавгирӣ карда шуд. Дар ин бора ба ОИ «Азия-Плюс» аз Сарраёсати нерӯҳои марзбонии Кумитаи давлатии амнияти миллӣ хабар доданд.
«Бо истифода аз оташфишонӣ аз он сӯи марз қочоқчиёни афғон мехостанд ба Тоҷикистон беш аз 252 кило маводи мухаддирро ғайриқонунӣ интиқол диҳанд», – изҳор дошт манбаъ. Ба иттилои сарчашма, 30 килои маводи мухаддирро афюн ва 80 дарсади боқимондаи онро маводи мухаддири навъи ҳашиш ташкил медиҳад.
Зикр гардид, ки якчанд қочокчиёни афғон нобуд карда шудаанд ва феълан дар мавриди ошкор сохтани аъзои боқимондаи гурӯҳи қочоқбар корҳои фавриву ҷустуҷӯӣ идома доранд.
