Дар видеохостинги YouTube навори видеойии гирдиҳамойӣ назди сафорати Олмон дар Душанбе нашр шуд.
Дар навор дида мешавад, ки занон назди дари оҳании сафорат ҷамъ омада, бо асабоният аз посбон ба назди онҳо баромадани сафирро дархост доранд.
«Мо озодиву тинҷӣ дар Тоҷикистонро мехоҳем», – фарёд мезананд онҳо. Дар ҳамин ҳол, чанде аз занон шикоят мекунанд, ки касоне «кӯшиши ноамн кардани вазъ дар Тоҷикистонро доранд», ки аллакай боре ҷанги шаҳрвандиро паси сар намуда, «онҳо шавҳаронашонро талаф додаанд».
«Олмон Додоҷон Атовуллоевро пинҳон мекунад!», – садо баланд мешавад аз издиҳом. Ин гурӯҳ тақрибан аз 15-20 нафар, аз ҷумла 5-6 нафар ҷавонон бо лавҳаву шиорҳо дар дастонашон иборат аст.
Навори видеойӣ дар YouTube рӯзи 14 апрел аз ҷониби корбари шабака Комрон Ҳусейнзода гузошта шудааст.
Ёдрас мекунем, ки рӯзи 14 апрел сафорати Олмон дар Тоҷикистон ҳодисаи мазкур назди намояндагии дипломатиро
расман шарҳ дод
.
Дар изҳороти сафорат дар ин робита қайд шуд, ки субҳи имрӯз назди бинои сафорати Олмон дар шаҳри Душанбе
тақрибан 15-20 нафар
гирдиҳам омаданд, ки асосан ҷавонон ва занон буда, рӯҳияи шиддатноке доштанд ва панҷараву шишаи зиреҳпӯшро мекӯфтанд.
