Душанбе. 11-уми июл. ОИ «Азия-Плюс» – Кормандони Раёсати зудамал ва фаврии Агентии назорати маводи нашъаовари назди президенти ҶТ дар ҳамдастӣ бо хизматчиёни ҳарбии Сарраёсати нерӯҳои ҳифзи сарҳади Кумитаи давлатии амнияти миллии ҶТ зимни баргузории амалиёти муштараки фаврӣ ва ҷустуҷӯӣ дар деҳаи Қарасуи ноҳияи Мурғоб махфигоҳеро бо миқдори зиёди маводи мухаддир дарёфт карданд, ки дар он беш аз 20 кило маводи мухаддири ҳашиш ва афюн пинҳон шуда буд.
Ёдовар мешавем, ки ҳафтаи гузашта низ дар ноҳияи номбурда ду махфигоҳ ошкор карда шуда буданд, ки аз онҳо беш аз 80 кило маводи мухаддир дарёфт гардида буд.
Санадҳои далели дарёфти махфигоҳҳо ба шӯъбаи тафтишоти агентӣ супурда шудааст ва барои муайян кардани соҳибони махфигоҳҳо чорабиниҳо андешида мешаванд.
