Намоишгоҳи хайриявии гулу растанӣ “НЕКӢ БИКОР”, ки аз ҷониби Фонди хайриявии "Музаффар" бо дастгирии Мақомоти иҷроияи ҳокимияти давлатии шаҳри Душанбе ва Кумитаи ҳифзи муҳити зисти назди Ҳукумати Ҷумҳурии Тоҷикистон баргузор мегардад, гулпарварон ва мутахассисони соҳаро дар як майдон бо имконияти фурӯши маҳсулоти худ ва табодули таҷриба муттаҳид менамояд.
Намоишгоҳи мазкур 19-20 апрел, аз соати 10:00 то 17:00 дар Боғи ботаникии “Ирам” баргузор мешавад.
Дар Намоишгоҳ иштироки шумораи зиёди мутахассисон оид ба гулу растанӣ, соҳибкорони соҳа ва дӯстдорони ин намуди маҳсулот дар назар аст. Аз ҷониби гулпарварон ва флористҳои касбӣ дарсҳои маҳоратӣ (мастер-классҳо) гузаронида шуда, иштирокдорон метавонанд оиди парвариш ва нигоҳубини гулу растанӣ, пору ва ғизо барои растанӣ тавсияҳои муфидро дастрас намуда, гулу гулдон ва лавозимоти дилхосташонро харидорӣ намоянд.
ИЗОБРАЖЕНИЕ
Инчунин яке аз ҳадафҳои Намоишгоҳ барпо намудани замина барои мубодилаи таҷриба байни коршиносон ва тиҷорати муштараки онҳо дар самтҳои номбаршуда мебошад. Имсол ҳам дар Намоишгоҳ ҳунармандон ва рассомон бо маҳсулоти худ иштирок мекунанд.
Дар баробари ин, ташкилкунандагон мақсад доранд, ки таваҷҷӯҳи ҷомеаро ба масъалаҳои пешгирии бемории саратон ва зарурати ташхиси бармаҳали ин беморӣ ҷалб намоянд. Фонд тули се соли охир лоиҳаи “Зиндаги бидуни саратон”- ро маҳз бо ҳамин мақсад амалӣ мекунад.
ИЗОБРАЖЕНИЕ
Шарикони Намоишгоҳи хайрияи гулҳо инҳоянд:
DOROB Holding, Ширкати суғуртавии «Бима» , «Zira Group», ТҚҒ «Васл», Ширкати маркетингии «Hamatarafa», «Guli Anor», «Паҳлавон».
ИЗОБРАЖЕНИЕ
Шарикони иттилоотӣ:
Гурӯҳи расонаҳои «Азия+», Радио «HAMSADO», «Новое радио», Шабакаи телевизиони иттилоотӣ «Ҷаҳоннамо», Муасиссаи давлатии Телевизиони «Душанбе HD».
Маблағҳои ҷамъоваришуда аз чорабинӣ ба лоиҳаҳои пешгирии саратон дар байни занони Ҷумҳурии Тоҷикистон равона карда мешаванд.
Бо Фонди хайривии “Музаффар” ҳамроҳ шавед ва корҳои нек кунед!
Дар сайти ва шабакаҳои иҷтимоӣ моро пайгирӣ кунед:
Website: muzaffar.tj
Facebook: Благотворительный фонд «Музаффар»
Instagram: fondimuzaffar neki_bikor
