Душанбе. 11-уми декабр. ОИ «Азия-Плюс» – Кишти тирамоҳӣ дар ҷумҳурӣ, ки дар арафаи анҷомёбист, то имрӯз ба андозаи 85 дарсад ба иҷро расид. Аз Вазорати кишоварзии ҷумҳурӣ ба ОИ «Азия-Плюс» хабар доданд, ки ин нишондиҳанда дар муқоиса бо ҳамин давраи соли гузашта хеле бештар аст.
Тибқи маълумоти фаврии вазорат, то имрӯз аз 229,5 ҳазор гектари барои кишти тирамоҳӣ пешбинишуда дар 193,5 ҳазор гектар кишти тирамоҳӣ гузаронида шудааст, ки нисбат ба соли гузашта 116 ҳазор гектар зиёдтар мебошад. Аз ин миқдор 184 ҳазору
452 гектар
барои кишти тирамоҳии гандум пешбинӣ шудааст.
Зикр гардид, ки кишоварзони вилояти Суғд дар кишти тирамоҳӣ ба кашолкорӣ роҳ медиҳанд. Дар ин минтақа нақшаи кишти тирамоҳӣ ҳамагӣ ба миқдори 43,7 дарсад ба иҷро расидааст. Дар ноҳияҳои Турсунзода (50 дарсад) ва Ҷиргатол (33 дарсад) низ чунин ҳолат ба мушоҳида мерасад.
